फरा 2 “सेसा आरो सिंह” | Class 6 Bodo MIL Chapter 2 Question & Answer 2025

 फरा 2

सेसा आरो सिंह

मावफारि

फरागुदियारि

1. गाहायनि सोंलुफोरनि थार फिननायखौ सायख नानै  ⭕ खौ गाबजों आबुं खालाम-

• जिब जुनादफोरा हाग्रानिफ्राय गावसोर जोबलांगोन होनना मानो गिदोंमोन?

(क) हाग्रायाव मन्दमती मुंनि सिंहआ थानायनि थाखाय।
(ख) मन्दमतीया जेराव-मेरावनो जुनादफोरखौ बुथारनायनि थाखाय।
(ग) सिंह सेसानि फोलेर फोजोबस्रांगोन होनना बुंनायनि थाखाय।
(घ) हाग्रायाव गुबुन मासे सिंह फैदों होनना साननायनि थाखाय।

फिन:- 

• मन्दमतीया दैखर सिङाव मानो बाज्रुमदोंमोन?

(क) दैखरा जोंखोल दैजों आबुं जानानै थानायनि थाखाय।
(ख) दैखरनि सिङाव गुबुन माब्रै सेसा दं होनना साननायनि थाखाय।
(ग) उखैनायाव मन्दमतीनि उदैया ग्रेव-ग्रेव गाबनायनि थाखाय।
(घ) दैखरनि सिङाव गुबुन मासे सिंह दं होननानै साननायनि थाखाय।

फिन:-

2. "सोलो दंब्ला नों खैफोदनिफ्राय बारग 'नो हायो।" बे बाथ्राखौ फराजों सोमोन्दो लाखिनानै नोंनि लोगोफोरजों सावरायनानै बुं।

3. सेसा आरो सिंह सल 'खौ गावनि बादियै बुं।

4.गाहायनि सोदोबफोरनि ओंथिफोरखौ सिन बोनानै गोरोब होनि फै-

सोदोब	ओंथि
फोलेर	गोरा
बान्दा	सोगोमनाय, गोबारै गाबखावनाय
हस्त्रिखावनाय	बंस, जाति, बाय-बाहागि
गोब्राब	अलखद
खैफोद	दाहोना

फिन:-

सोदोब	ओंथि
फोलेर	बंस, जाति, बाय-बाहागि
बान्दा	दाहोना
हस्त्रिखावनाय	सोगोमनाय, गोबारै गाबखावनाय
गोब्राब	गोरा
खैफोद	अलखद

5. गाहायनि सोंनायफोरनि फिननाय लिर-

(क) हाग्रानि जिब-जुनादफोरखौ सोर जेराव मेरावनो बुथारदोंमोन?
फिन:- मन्दमती मुंनि मासे सिंहआ हाग्रानि जिब-जुनादफोरखौ जेराव मेरावनो बुथारदोंमोन ।
 
(ख) सेसाया मन्दमतीनि साखाथियाव गासै माबा सेसा फैदों होननानै बुंदोंमोन थारैनो मा बेसे सेसा फैमारदोंमोन?
फिन:- थारैनो मासेल’ सेसा फैदोंमोन।
 
(ग) दैखरनि दैयाव गावनि सायखंखौ नुनानै मन्दमतीया मा खालामदोंमोन?
फिन:- दैखरनि दैयाव बियो गावनि सायखंखौनो नुनानै मन्दमतीया गुबुन सिंह साननानै दिउ-दिउ रागा जोंदोंमोन आरो बिखौनो गावनि सुथुर सानना अरज्लाय हैनो थाखाय दैखराव बाज्रुमदोंमोन।

6. हानजायाव सावरायनानै फरायनानै लिर-

(क) हाग्रानि जिब-जुनादफोरा सावरायनानै मा थिरांथा लादोंमोन बे बादियै खामानि मावोब्ला बिसोर मा मुलाम्फा जागोन होनना सानदोंमोन?

फिन:- हाग्रानि जिब-जुनादफोरा सावरायनानै मन्दमतीनि उखैनायखौ फोजोबनो थाखाय सानफ्रोमबो मासे मासेयै जुनाद दैथायहरनो थिरांथा लादोंमोन। बे बादियै खामानि मावोब्ला जिब –जुनार जोबस्रांनायनिफ्राय रैखा मोनगोन आरो
मन्दमतीनि मैहुर हमनो थाखायबो गोब्राब जानांनाय नङा आरो उनाव गोजोनै जानो हागोन होनना बिसोर सानदोंमोन।
 
(ख) दैखरनि दैयाव सेसाया गावनि सायखंखौ नुनानै मा सोलो बाहायदोंमोन?
फिन:- दैखरनि दैयाव सेसाया गावनि सायखंखौ नुनानै बे दैखरावनो मन्दमती सिंहखौ फानदायना बुथारनो थाखाय सोलो बाहायदोंमोन । सेसाया मन्दमती सिंहखौ थगाय थसि बै दैखरसिम लांनो थाखाय सोलो खालामदोंमोन।  बै दैखराव मन्दमती सिंहनिख्रुइबो बोलोगोरासिन अरननि राजा दं होनना सेसाया थगायदोंमोन,जाहाथे मन्दमती सिंहआ बै दैखरसिम थाङो। मन्दमती सिंह आ गावनिख्रुइबोदि बे अरनाव बोलोगोरासिन राजा दं बे बाथ्राखौ खोनानानै जोबोद रागा जोंदोंमोन आरो बै जायगासिम लाना थांनो थाखाय सेसाखौ बुंदोंमोन। सेसाया मन्दमतीखौ दैखरनि खाथियाव लाना थांदोंमोन आरो सेसाया गुबुन मासे बोलोगोरा सिंहखौ बै दैखरावनो थाखोमादों होनना  मन्दमतीनो बुंदोंमोन। मन्दमतीआ रागाजों दैखराव नायहरदोंमोन आरो बियो गावनि सायखंखौनो बै गुबुन मासे सिंहनि साननानै दिउ-दिउ रागा जोंनायसै आरो बिखौनो गावनि सुथुर सानना अरज्लाय हैनो थाखाय दैखराव बाज्रुमनायसै।  लोगो लोगो बियो दैखर सिङाव थैनानै थानायसै। सेसाया सोलोजों गावबो सिंहजों जाजानो गनायसै आरो हाग्रानि गुबुन जुनारफोरनि जिउयाबो रैखा मोननायसै।
 

(ग) सिंहखौ राजि खालाम होनो गिनानै सेसाया मा खालामगोन मा मागोन जानानै मा बाथ्रा बुंदोंमोन?
फिन:-  सिंहखौ राजि खालाम होनो गिनानै सेसाया मा खालामगोन मा मागोन जानानै  बुंदोंमोनदि- "फिसा जिब मासेजों महाराजाया उखैगानाय नङा सानदोंमोन। बेनिखायनो जों माबा सेसा लोगो नांनानै नोंथांनि सेराव फैदोंमोन। लामायाव गुबुन मासे सिंहआ लामा गाथेहैना सोंदोंमोन -नोंसोर बहा थांगोन? अब्ला जों गिनानै बुंबायदि- महाराजाजों जाजानो थाखै जोंहा दिनै फाला गोलैदों। बेनिखायनो जों बिथांनि खाथियाव थांगासिनो ", होनना ।

 
(घ) दैखरनि सिडाव थारैनो गुबुन मासे सिंह थाखोमाना दंमोन नामा? जुदि गैयामोन मन्दमतीया मानो दैखराव बाज्रुमदोंमोन?
फिन:- थारैनो दैखरनि सिङाव गुबुन मासेबो सिंह थाखोमाना गैयामोन। मानोनना मन्दमतीया दैखरनि दैयाव गावनि सायखंखौनो गुबुन सिंह साननानै दिउ-दिउ रागा जोंदोंमोन आरो बिखौनो गावनि सुथुर सानना अरज्लाय हैनो थाखाय दैखराव बाज्रुमदोंमोन।

 
7. सोर, सोरखौ आरो मानो बुंदोंमोन लिर-

(क) 'बेबादि खालामोब्ला, आरो मैहुर खालामनो थाखाय गोब्राब जानांनाय नङा आरो नोंथाङा उनाव गोजोनै जानो हागोन।'
फिन:-जुनारफोरा सिंहखौ बुंदोंमोन । मानोना सिंहआ सानफ्रोमबो हाग्रानि जुनादफोरखौ अरथारदोंमोन।
 
(ख) 'मा, बिहा एसेबां साह'स! दानो आंखौ बिनि साखाथियाव लानानै थौ। दिनै आंनि आखाइनिफ्राय गनाय नङा।'
फिन:- बे बाथ्राखौ मन्दमती सिंहआ सेसानि सिगांआव गुबुन मासे सिंहखौ बुंदोंमोन। मानोना मन्दमती सिंहआ बै गुबुन मासे सिंखौ गावनिफ्राय बोलोगोरासिन राजा होनना खोनानायाव रागा जोंदोंमोन।

राव फरायसंनाय

8 बागसुनि सिङाव थानाय सोदोबफोरनि उल्था ओंथि फोरमायनाय सोदोबफोरखौ फरानिफ्राय नागिरनानै लिर-

माब्लाबा				गोखै-गोखै
फोरजा				गोरलै
गोजान				अनज्लायनाय
सुखु				लोगो

फिन:-

माब्लाबा	सानफ्रोमबो
फोरजा	महाराजा
गोजान	खाथि
सुखु	दुखु
गोख्रै-गोख्रै	लासै-लासै
गोरलै	गोरा
अनज्लायनाय	नांज्लायनाय
लोगो	सुथुर

9. बाथ्रा दा :
सासन        : ………………………………………
थांखि         : ………………………………………
सायखं        : ………………………………………
ग्रेव-ग्रेव       : ………………………………………
लासै-लासै    : ………………………………………

फिन:-
सासन :  सिंहआ अरनखौ सासन खालामो।

थांखि  :  नाजायोब्ला गावनि थांखिखौ जाफुंहोनो हायो।

सायखं        :  सिंहआ दैखराव गावनि सायखंखौ नुना रागा जोंदोंमोन।

ग्रेव-ग्रेव       :  सिंहनि उदैया उखैनानै  ग्रेव-ग्रेव गाबदोंमोन।

लासै-लासै    :  बियो लासै-लासै थाबाययो।

10. हानजायाव सावरायनानै बिबार फाइलियाव थानाय सोदोबफोरखौ बाहायनानैगाहायनि बाथ्रा खोन्दोनि लांदां जायगाखौ आबुं खालाम-

निजोममोननि न सेरजों दोंसे
निजोराया ................ यै बोहैलांदों।
बिबार बारिनि   ............ बिबारफोराव
बामब्लेमाफोरा ............ बिरथिंबायदों।
निहोरनि थरथिंफोरा ............ यै सिरिदों।
.............. बारआ बारदों।
गलाब बिबारनि फुलिया ............ यै देरबोदों।
बेखौनो नुनानै निजोमा .......... मिनिदों।
 
फिन:-
निजोममोननि न सेरजों दोंसे
निजोराया     जिरि-जिरि   यै बोहैलांदों।
बिबार बारिनि   खोल-खोल   बिबारफोराव
बामब्लेमाफोरा    ब्रुं-ब्रुं    बिरथिंबायदों।
निहोरनि थरथिंफोरा   थोब-थोब   यै सिरिदों।
बायदेमलाइ- सिदेमलाइ   बारआ बारदों।
गलाब बिबारनि फुलिया   लोब लोब   यै देरबोदों।
बेखौनो नुनानै निजोमा   खे-खे   मिनिदों।

11. सानैयै लोगोजों हानजा दानानै बिदिन्थियाव दिन्थिनाय बादियै उननि रिंसार गोरोबनाय गुबुन गुबुन सोदोब दानो थाखाय नाजा-

फिन:-

बिबारबारि	गयबारि	थरिबारि	सालबारि
मिथिंगायारि	गामियारि	हाजोयारि	हायेनयारि
सोरजिगिरि	लिरगिरि	खनगिरि	गेलेगिरि
गोरबो	फोरबो	लाबो	एरबो

12. गाहायनि खोन्दोनि आरजाथाव थावनियाव थाद'सिन बाहायनानै लिरफिन-

            सेसानि बाथ्राफोरखौ खोनानाय लोगो-लोगो मन्दमतीया रागाजों दावखोसिननानै
खाब्राडै बुंनायसै मा बिहा एसेबां साह 'स दानो बिनि साखाथियाव आंखौ लानानै थौ दिनै बियो
आंनि आखाइनिफ्राय गनाय नङा।
 
फिन:- सेसानि बाथ्राफोरखौ खोनानाय लोगो-लोगो मन्दमतीया रागाजों दावखोसिननानै खाब्राडै बुंनायसै-  “मा, बिहा एसेबां साह 'स ! दानो बिनि साखाथियाव आंखौ लानानै थौ ।  दिनै बियो आंनि आखाइनिफ्राय गनाय नङा।“

13. नोंसोर फरायाव जिब-जुनाद, लासै-लासै बायदि होनजाब, सोदोबफोर मोनदों। बेबादिनो सोदोब जोंनि सानफ्रोमबोनि जिउवाव फ्रायनो बाहायो। हानजायाव बाहागो जानानै फारिलाइयाव होनाय बादियै गुबुन-गुबुन गोरोबफा दाजाब सोदोबफोरखौ लिर-

लाहार-फाहार	थै-थां	माव-दां
जानला-मानला	सिम्ब्रे-सिम्ब्रा	खामानि-दामानि

फिन:-

लाहार-फाहार	थै-थां	माव-दां
जानला-मानला	सिम्ब्रे-सिम्ब्रा	खामानि-दामानि
आखा-फाखा	समायना-रमायना	जाब-जुब
सिखोन-साखोन	फिसा-फिसौ	जिब-जुनार
गिसं-मासं	खाराव-माराव	फोरसा-फोरसि

उफेरा सोंनाय-फिननाय

1. मन्दमती आ सोरमोन?
फिन:- मोनसे हाग्रानि मासे सिंह मोन  ।
 
2. सेसाया सोरजों जाजानायनि थाखाय फाला सौफैदोंमोन?
फिन:- सेसाया मन्दमती सिंहजों  जाजानायनि थाखाय फाला सौफैदोंमोन ।
 
3. सेसाया मन्दमतीनि आखाइनिफ्राय बारग नायनि राहाफोरनि बागै सानै सानैनो मानि खाथियाव सौहैदोंमोन?
फिन:- गंसे दैखरनि खाथियाव सौहैदोंमोन  ।
 
4. मन्दमती सिंहनि उदैया मानो ग्रेव-ग्रेव गाबदोंमोन ?
फिन:- उखैनायनि थाखाय।
 
5. "महाराजा नोंथांखौ नुनानै बियो दैखर सिडाव थाखोमादों।"- बे बाथ्राखौ सोर बुंदोंमोन ?
फिन:- बे बाथ्राखौ सेसाया बुंदोंमोन ।
 
6. मन्दमती सिंहआ दैखरनि दैयाव नायनायाव मा नुदोंमोन?
फिन:- गावनि सायखंखौ नुदोंमोन ।
 
7. मन्दमती सिंह आ दैखरनि दैयाव गावनि सायखंखौ नुनानै मा खालामदोंमोन?
फिन:-  दैखरनि दैयाव गावनि सायखंखौनो गुबुन सिंहनि साननानै दिउ-दिउ रागा जोंदोंमोन आरो बिखौनो गावनि सुथुर सानना अरज्लाय हैनो थाखाय दैखराव बाज्रुमदोंमोन।
 
8. मन्दमती सिंहआ दैखराव बाज्रुमनायनि उनाव मा जादोंमोन?
फिन:-  लोगो लोगो बियो दैखर सिङाव थैनानै थादोंमोन।
 
9. “सेसा आरो सिंह” मुंनि सल'बाथाखौ मानिफ्राय लानाय जादों ?
फिन:-   पन्चतन्त्र' सल'निफ्राय लानाय जादों ।